Roinn

Lóchrann Chonamara

Date 23.06.2019
Time 08:00 PM
Venue Maam Cross Livestock Market

I mbliana ar Oíche Shin Seáin, glac páirt i gceiliúradh ar ár n-oidhreacht, ár dteanga agus ár gcultúr, le cor comhaimseartha.   

Arna comhléiriú ag Cumann Forbartha Chois Fharraige agus Comhairle Pobail na Fairche, is tionscadal é Lóchrann Chonamara de chuid chlár Ghaillimh 2020, Bailte Beaga Smaointe Móra, a chuimseoidh tine, ceol, damhsa, amharclannaíocht sráide agus bia, go léir ar shuíomh na Marglainne sa Teach Dóite.  

Tá grúpaí pobail áitiúla ag obair i gcomhar leis an gcuideachta drámaíochta, Fíbín, an damhsóir comhaimseartha, Eoin Mac Donncha, agus na taibheoirí tine, Pyre Productions, chun tráthnóna iontach de shiamsaíocht amuigh faoin aer a chur i láthair.  

Cuirfear tús leis an tráthnóna le ceol, agus lasfar an tine chnámh sa chlapsholas i searmanas mórthaibhseach. Déanfaidh baill ó chlubanna siúlóide áitiúla – Cumann Sléibhteoireachta Chonamara Theas, Galway Walking Club, Maamturks Walking Club, the Beanna Beola Hillwalking Club agus Corrib Ramblers – an lasair a iompar go siombólach trasna na sléibhte agus na portaigh ó na ceithre hairde de Chonamara. 

Is ócáid saor in aisce amuigh faoin aer é seo, agus beidh fáilte roimh gach duine. 

 

Lean Lóchrann Chonamara ar Facebook le haghaidh nuashonruithe. 

An clár 

8pm go dtí 9pm: Cillín 

9pm go dtí 10pm: Clann Uí Íarnáin agus Don Stiffe 

10pm go dtí meánoíche: Banna Céilí Cogar le haíonna speisialta 

10.30pm: Tine chnámh le mórthaispeántas ag Fíbín agus damhsóirí óga ó Choláiste Cholmcille, Indreabhán faoi stiúir an damhsóra, Eoin Mac Donncha. 

 

Stainníní le bia mara úr agus uaineoil sléibhe ar fáil ó 7pm 

Scéalta Gaolmhara
Imeachtaí Gaolmhara