Beidh bladhmanna ar lasadh i mbailte éagsúla ar fud an chontae agus Searmanas Oscailte Ghaillimh 2020 ag taisteal i dtreo na cathrach sa chéad seachtain de mhí Feabhra. Beidh téamaí agus traidisiúin áitiúla á gceiliúradh in ócáid seachtaine a mhairfidh i gcuimhne na ndaoine go brách. Cuirfear tús leis an gceiliúradh le searmanas baint móna ar Lá Fhéile Bríde agus cuirfear clabhsúr air ar an 8 Feabhra i gCathair na Gaillimhe.

Tabharfaidh an Turas Tine cliar bhríomhar le chéile as gach baile chun páirt a ghlacadh i dtaibhléiriú uathúil, speisialta gach oíche as a chéile.  Breathnaigh ar chliar dhíograiseach an Chlocháin ag lasadh Cearnóg an Mhargaidh le solas tine i mbaile cois cósta an Chlocháin, sa chéad Searmanas Lasta ar an Domhnach, an 2 Feabhra.

Bí ag súil le taibhléiriú, ceol agus mórshiúlta ó 6pm ar aghaidh ag an gceiliúradh seo amuigh faoin aer atá saor in aisce don phobal.

Searmanas Lasta – Sceideal an Chlocháin

6pm Geataí ar oscailt

Cuirfear tús leis an gceiliúradh le ceol beo ó NØÖV, grúpa óg atá ag teacht chun cinn tríd an tionscadal Livefeed, a bhfuil fuaim dhorcha mhothaitheach ach spraíúil acu.

6.45–8pm Pléascfaidh lasracha agus fuaimeanna ar na sráideanna i mórshiúl speisialta trí bhaile an Chlocháin le cliar ón bpobal. Tar éis aithris filíochta ó bhéal le Brendan Flynn, lasfar an sféar a coimisiúnaíodh go speisialta don Chlochán. Beidh ceol ina dhiaidh ó bhanna pap-rac fuinniúil na Gaillimhe, Rofi James.

De bharr go bhfuil an t-imeacht seo ar siúl amuigh faoin aer, moltar do dhaoine bróga agus éadaí cuí a chaitheamh.

Beidh teorainneacha tráchta i bhfeidhm agus déanfar iad a fhógairt go háitiúil.