Beidh bladhmanna ar lasadh i mbailte éagsúla ar fud an chontae agus Searmanas Oscailte Ghaillimh 2020 ag taisteal i dtreo na cathrach sa chéad seachtain de mhí Feabhra. Beidh téamaí agus traidisiúin áitiúla á gceiliúradh in ócáid seachtaine a mhairfidh i gcuimhne na ndaoine go brách. Cuirfear tús leis an gceiliúradh le searmanas baint móna ar Lá Fhéile Bríde agus cuirfear clabhsúr air ar an 8 Feabhra i gCathair na Gaillimhe.

Tabharfaidh an Turas Tine cliar bhríomhar le chéile as gach baile chun páirt a ghlacadh i dtaibhléiriú uathúil, speisialta gach oíche as a chéile.  Breathnaigh ar Chliar an Bhaile ag lasadh aghaidh na farraige le solas tine i sráidbhaile cois cósta an Spidéil, le linn Searmanas Lasta ar an Luan, an 3 Feabhra.

Bí ag súil le taibhléiriú, ceol agus mórshiúlta ó 6pm ar aghaidh ag an gceiliúradh seo amuigh faoin aer atá saor in aisce don phobal.

Searmanas Lasta – Sceideal an Spidéil

6pm Geataí ar oscailt

Cuirfear tús leis an gceiliúradh le ceol beo ó Dris Óg , racghrúpa óg áitiúil atá ag glacadh páirte sa tionscadal Livefeed.

6.45–8pm Pléascfaidh lasracha agus fuaimeanna thíos ag an tSeanchéibh i mórshiúl speisialta le cliar ón bpobal. Tar éis aithris filíochta ó bhéal le Síle Nic Chonaonaigh, lasfar an sféar a coimisiúnaíodh go speisialta don Spidéal. Beidh ceol ina dhiaidh ó bhanna pap-rac fuinniúil na Gaillimhe, Rofi James.

De bharr go bhfuil an t-imeacht seo ar siúl amuigh faoin aer, moltar do dhaoine bróga agus éadaí cuí a chaitheamh.

Beidh teorainneacha tráchta i bhfeidhm agus déanfar iad a fhógairt go háitiúil.